أجاني بالحلم والحلم عا يشته
وما اكعد بعد حسبالي من شفته
شفت كلشي حلو بعيوني حتى النوم
وخلصت الحلم وياه بالسكته
جنت أدري يخون وجذبته الروح
وجذبت الحقيقة وجذبه صدكته
فرحانه اصبر الروح أنه بجفاه
وصبرت النفس والكَـلب صبرته
و مرّه عشرته أني ادري ما تنراد
ومثل سنبلة والفلاح عاشرته
يفرح من يشوف دموعي تنزل
وبخدي يشوف الجرح راسمته
وظل حبه صفه مثل الكسر بالروح
وصبرت الكسر و بدموعي جبرته
و كمت أني عله حيلي وما طحت للكاع
وىنه باب الكلب بجفاه قافلته
وهسه جايني ويكلي انه الغلطان
ومتندم وبعدج عمري طلكته
دخيلك لا تهيج جرح مات وطاب
روح ابتعد خل أنساك كافي عمري ضيعته
لغيتك من حياتي وبعد ما هم بيك
وجرح غدرك يظل بعيوني شايفته